एम्स अस्पताल जिला मा होब जरुरी

जिला चित्रकूट, ब्लाक कर्वी, कस्बा कर्वी। हिंया आम आदमी पार्टी वाले नेता 5 मार्च का जुलूस नकिारिन। जुलूस ट्राफिक चैराहा से होइके एस.डी.एम. कार्यालय तक निकारा गा। यहिके बाद पांच मांगन का लइके एस.डी.एम. रजनीश कुमार मिश्र का केन्द्र सरकार से संबधिंत ज्ञापन दीन गा।
आम आदमी पार्टी के श्यामबाबू रामनाथ अउर संतोषी लाल का कहब हवै कि जिला मा ओला परे के कारन फरवरी 2015 मा किसान के फसल बबा्रद होइगे रहै। उंई किसानन के फसल का खराब होय का मुआवजा अबै तक नहीं मिला आय। जिला मा एम्स  अस्पताल बनै का चाही। काहे से कि चित्रकूट पर्यटन सिल हवै। हिंया घूमै खातिर अउर अमावश मा लाखन मड़ई दूर दराज के क्षेत्र से आवत हवैं। यहिसे दुर्घटना होइ जात हवै। घायल मड़इन का इलाहाबाद,कानपुर या फेर लखनऊ इलाज करावैं खातिर लइके जाये का परत हवै। या कारन हुंवा पहुंचत पहुंचत मड़ई रास्ता मस ही दम तोड़ देत हवै। जइसे कि पिछले साल परिक्रमा करत समय करंब् फइल गा रहै। यहिसे हमार मांग हवै कि चित्रकूट मा एम्स अस्पताल होब जरुरी हवै। राष्ट्रीय गौशाला अउर पशु केन्द्र बनै का चाही। यहिसे किसानन के फसल बच सकत हवै। किसानन का फसल बीमा का भुगतान कीन जाये। पानी के व्यवस्था कीन जाये। कर्वी एस.डी.एम.रजनीश कुमार मिश्र कहिन कि ज्ञापन लइ लीन गा हवै। सरकार के लगे ज्ञापन का पहुंचा दीन गा हवै। सरकार उनके मांग पूर कइ सकत हवै।