उखड़ी सड़क, टूटी पुलिया

जिला अम्बेडकर नगर, ब्लाक कटेहरी, गांव तिवारीपुर। हिंआ मिझौड़ा जाए वाले सड़क दरवन नाला पै पुलिया टूटके नाला मा गिर गै बाय। पुलिया टूटै से कबहूं भी खतरा होय सकाथै।
आवै जाए वाले मनई सुनील कुमार, संजय, पवन सिंह बताइन कि नाला कै पुलिया लगभग एक साल से ज्यादा होय जात बाय टूटे। सड़क भी एक दम जर्जर होइगै बाय। बीच-बीच मा गड़ढ़ा होइगै बाय। सड़क कै गिट्टी सब छितराय गै बाय। यहिसे आवै जाए मा हमेषा डर रहाथै कि कहूं हच्चा लागै तौै मनई नाला मा न गिर जाए। दसन साल पहिले जब मिझौड़ा चीनी मिल लाग है तब तिवारी पुर से रायगंज तक 15 किलो मीटर लम्बी सड़क कै चैड़ाई साढ़े सात मीटर कै दिया गै बाय। लकिन पुलिया कै चैड़ाई नाय कीन गै बाय। पुलिया पै सड़क पातर बाय। यही सड़क से चैबिसो घंटा हजारों मनईन कै आवा जाही रहा थै। चीनी मिल के कारण यहि सड़क से गन्ना लादके ट्रैक्टर ट्राली ट्रक सब आवत जात रहा थिन। सड़क अउर पुलिया के मरम्मत खातिर गंाव वाले कइयौ दांय मंाग करिन। केहू षासन-प्रषासन यकै ध्यान नाय देतिन।
लोक निर्माण विभाग कै प्रान्तीय अधिषासी अभियंता बी.के. सिघंल बताइन कि पुल के रेलिंग कै मरम्मत षीघ्र कराय दिया जाये। सड़क मरम्मत खातिर प्रस्ताव षासन का भेजा गै बाय। कुछ सड़क के मरम्मत कै काम चालू होय गै बाय जल्दी ही यहू सड़क कै मरम्मत कराय दिया जाये।