खबर लहरिया ताजा खबरें इ हई निर्मल पंचायत

इ हई निर्मल पंचायत

Sitamarhi Tazaजिला शिवहर, प्रखण्ड तरियानी, गांव पंचायत सुरगाही। एई पंचायत के लगभग चार साल पहिले निर्मल पंचायत घोषित कयल गेल रहई। लेकिन इहां के शौचालय कें टंकी बैल के नादी रखे के काम अवई छई, अउर सीट चापाकल पर रखायल हई। इहां के नन्हक पासवान, फुलमत देवी, सोभा देवी, मिंकु देवी कहलथिन कि शौचालय बनावे के लेल दुगो टंकी अउर उपर के एगो सीट मिललक। इ शौचालय हमरा सबके मंगनी में देल गेलई। सब के बाड़ी में शौचालय लगा भी देलेकिन । कुछ लोग के पास जगह न रहई त लोग सीट उखाड़ लेलथिन। गरीब आदमी के पास रहे के त जगहे न रहई छई शौचालय के टंकी देल गेलई उ एतना कमजोर रहई कि भरक गेलई। अब एई सिमेट के टंकी के कही फेक त न सकई छी। एही के लेल एई पर बैल के खायवाला नादी रख देले छी। मुखिया बचनी देवी के साथे काम करेवाला युगल किशोर साह कहलथिन कि इ काम त पहिलके मुखिया के रिजन मे कयल गेल हई, एई बारे मे हम कुछो न बता सकइछी। पीएचडी के बड़ा बाबू शंकर रजक कहलथिन कि पांच साल पहिले शौचालय अलई से टंकी पर बनल जेई कारण ओकर उपयोग न होलई। अब उ र्निमल पंचायत चुनागेल हई लेकिन घोषित न होलई। अब मुखिया के थूरू बने या अपने बनाये शौचालय बना के फोटो  खिचाके प्रखण्ड में जामा कर  देथिन।