इलाज खातिर नहीं देत रूपिया

जिला बांदा, ब्लाक नरैनी, गांव चन्दौर, मजरा चकला। हेंया रहैं वाले नत्थू के बारह साल के लड़की सुकुवरिया का 26 अक्टूबर 2014 का एक्सीडेंट होइगा। एक्सीडेंट मा पौहार गांव निवासी पप्पू के मोटर साइकिल से गोड़ टूट गा रहै। पप्पू बदौसा थाना मा लड़की के इलाज खातिर जिम्मेदारी लिहिस रहै। अब नहीं इलाज करावत या मारे नत्थू कारवाही के मांग करत है।
सुकुवरिया के महतारी रमरतिया कहिस -“अक्टूबर से अब तक मा लड़की के इलाज मा बीस हजार रूपिया लाग चुका है। पप्पू कुल पांच सौ रूपिया दिहिस है। जबैकि एस.ओ. पप्पू का आठ हजार रूपिया दें क कहिन रहैं। एस.ओ. के न मिलैं से वापस लउट जात हौं।“
पप्पू कहत है कि मैं दुई हजार सात सौै रूपिया दई दीने हौं। अब मोरे ऊपर कारवाही करिहैं तौ रूपिया न देहूं।”
बदौसा थाना के छोट दरोगा शैलेन्द्र पाण्डेय कहिन है कि दवाई करावैं खातिर पप्पू से नत्थू का आठ हजार रूपिया देवावैं का कहिन हैं, पै नत्थू चालिस हजार रूपिया मांगत है तौ यतना रूपिया न मिली।