आरक्षित के लेल अलई इंदिरा आवास

जिला शिवहर, प्रखण्ड तरियानी, पंचायत बेलहिया गांव सरवरपुर। इहां इंदिराआवास के पासबुक वितरण भेलई। जेइमें अभी तिरपनगो पासबुक बच गेल हई। कारण की जे लोग के  देवे के हई। उ लोग के नाम बी. पी. एल. में न हई।
ऐई पंचायत के विकास मित्र नवल राम कहलथिन कि सत्र 2012 अउर सत्र 2013 के तहत इंदिरा आवास के पासबुक चैहत्तर गो मिलल रहलकह। जेइमें अभी तिरपन गो पासबुक हमरा पास रह गेल हई। जेई लोग के नाम बी. पी. एल. में रहलइह ओही लोग के देबे के रहलइह। जइसे कि समान्य में सतरह विकलांग तीन गो अउर एगो अल्पसंख्यक के देलीह।
आरक्षित सीट के अनुसार अल्पसंख्यक में बारह अउर अनुसूचित जाति में इकतालिस पासबुक बच गेल हई। बी. पी. एल. में नाम न रहे के कारण प्रखण्ड चाहे जिला से आवेश अतई त जे लेाग बी. पी. एल. केलायक होईथिन ओई लेाग के नाम जोड़ा यल जतई। डी. डी. सी. अशोक कुमार सिंह कहलथिन कि गरीबी रेखा में नाम न होतई त कइसे पासबुक मिलतई।