आय, जाति, निवास का भटकत

जिला बांदा, ब्लाक नरैनी, कस्बा नरैनी, मोहल्ला राज नगर। हेंया का पूरन तीन महीना से आय, जाति अउर निवास प्रमाण पत्र बनवावैं खातिर फारम जमा करिस रहै। आज तक इं प्रमाण पत्र नहीं बने न लेखपाल दसखत करत आय। यहिसे वा तहसील दिवस मा दरखास दिहिस है।
पूरन के मेहरिया बतावत है-“लगभग एक साल होत है मनसवा रसोइयां के सफाई करैं मा गिर गा तौ गोड़ से विकलांग होइगा रहै। ठेलिया मा बइठा के मनसवा का तहसील दिवस नरैनी लाई हौं। काहे से आय, जाति अउर निवास प्रमाण पत्र बन जाय तौ नींक रहै। लगभग चार सौ रूपिया खर्च कई चुकिंव, पै लेखपाल दसखत नहीं करत आय।
लेखपाल मुन्ना कहत है पूरन अतर्रा का रहैं वाला आय। होंआ घर बना है। यहिसे पहिले होंआ से नाम कटा के आवै। तबै नरैनी मा नाम चढ़ी। मैं खुदै जांच करैं जइहौं। जांच करैं के बाद ही मैं आय, जाति अउर निवास प्रमाण पत्र मा दसखत करिहौं।