जिला चित्रकूट, जिला बाँदा 1 फरवरी 2017 का वित्त मंत्री अरुण जेटली बजट पेश कई दिहिन हवैं। सूखा, बाढ़ अउर नोटबन्दी से परेशान किसानन का, का फायदा मिली। चुनाव के ठीक पहिले फरवरी मा पहिला बजट पेश कीन गा हवैं या सरकार के सोची समझी राजनीति चाल आय। बजट के बारे मा आओं जानी हिंया के मड़ई का कहब हवै।
कर्वी के वेद प्रकाश का कहब हवै कि चुनाव के पहिले बजट देश कीन गा हवै, तौ यहिकर फायदा भाजपा सरकार का मिली।बुआराम शुक्ला बताइस कि भाजपा सरकार चुनाव से पहिले बजट पेश करिस हवै तौ यहिकर फायदा सरकार का मिली यहै कारन उंई बजट पेश करिन हवै। विधासागर पांडेय अउर राजा भैया बड़गैया का कहब हवै कि किसान का क्रेडिट कार्ड के सुविधा दीन जाये अउर सिंचाई के व्यवस्था कीन जाये। जउन नये उपकरन हवै उनका लाभ भी किसानन का दीन जायें। तौ नीक होई।
बांदा के कमासिन गांव के अरुण यादव का कहब हवै कि सरकार बजट मा किसान का कर्जा माफ़ कइ दें। जउन किसान आत्महत्या कइ लिहिन हवैं उनके परिवार का फायदा मिलें। नरैनी के प्रदीप कुमार का कहब है कि सरकार व्यापारिन खातिर टैक्स मा छूट कइ दें जेहिसे मध्यम वर्ग व्यापारिन का भी यहिकर लाभ मिल सकैं।
रिपोर्टर- नाजनी रिजवी और गीता
Published on Feb 1, 2017
