आपन-आपन प्रचार करत

उत्तर प्रदेश मा लोक सभा चुनाव का लइके बहुतै जोर शोर से हल्ला शुरू हवै। सबै पार्टी आपन आपन प्रचार करैं मा लाग हवै।
भारतीय जनता पार्टी वोट लें खातिर मड़इन का लालच दें मा लाग हवै। या बात चित्रकूट जिला के कीन जात हवै। गुजरात राज्य का मुख्यमंत्री नरेन्द्र मोदी भारतीय जनता पार्टी से हवैं वा या समय भारत का प्रधान मंत्री बनै के सोचत हवै। यहै से वा अपने नाम से मोदी नमो टी स्टाल हर ब्लाक मा एक-एक चाय के दुकान एक मड़ई का खोलावैं मा लाग हवै। का एक मड़ई का अपने नाम का प्रचार कइके रोजगार दें से जिला के मड़इन के बेरोजगार खतम होेइ जई। या फेर मड़इन के मन मा वहिका नाम बस जई। नहीं या तौ आवैं वालें लोक सभा चुनाव होय के बादै पता लागी। सबहिन से पहिले चुनाव जीतैं खातिर जरूरी हवै कि वा पार्टी के नेतन के छवि नींक होय। समाजवादी पार्टी, बहुजन समाज पार्टी भी प्रचार प्रसार करैं मा कउनौ से पीछे नहीं आय। जनता भी येत्ती न समझ नहीं आय। वा जानत हवै कि केहिका प्रधानमंत्री बनावैं का हवै। नेता अउर मंत्रिन का जउन दिन या बात समझ मा आ जई। वहै दिन इनतसान के समस्या खतम होइ जई।