आधार कार्ड बनवावै मा रुपिया ले का आरोप

जिला बांदा, ब्लाक नरैनी, कस्बा बदौसा। हेंया आधार कार्ड बनवावै मा 30 रुपिया हर आदमी से ले का मामला सउहें आवा है। मड़ई एस.डी.एम. से 20 जनवरी का षिकाइत कइके जांच के मांग करिन हैं।
आधार कार्ड बनवावै आई उर्मिला पत्नी ज्ञानी बताइस कि 17 जनवरी का आधार कार्ड का फारम दंे वाला मोहनलाल एक फारम भरैं का तीस रुपिया लेत रहै। हम आपन परिवार मा छह जने के आधार कार्ड बनवाये हन जेहिमा हमसे एक सौ अस्सी रुपिया लीन गा है।
दुबरिया गांव के गुडि़या, शबीना अउर गीता बताइन कि सरकार बिना रूपिया के सुविधा देत है, पै आधार कार्ड बनावै वाले करमचारी हमसे रुपिया वसूलत हैं। आधार कार्ड बनावैं वाला मोहनलाल कहिस ‘हेंया 6 जनवरी से आधार कार्ड बनत हैं। हैदराबाद के बेदा भाग नाम के प्राइवेट कम्पनी का सरकार ठेका दिहिस है। अबै तक मा सात सौ कार्ड बन गें हैं। हमका सरकार से कउनौ वेतन नहीं मिलै। न सामान अउर न बिजली का खर्च दीन जाय। हरेक से 30 रुपिया लेइत हन।’
एस.डी.एम. मनोज कुमार बताइन ‘हमरे लगे रुपिया ले के षिकाइत आई है। 10 जनवरी का जांच कीन गे रहै। कइयौ मड़इन का रुपिया वापस करवा दीन गा रहै। अगर दुबारा से रुपिया ले लाग है तौ कड़ी कारवाही कीन जई।’