दुकान मा धरा सामान होइगा राख
जिला बांदा, ब्लाक बबेरू, कस्बा मुरवल। हेंया का बरातीलाल चैरसिया कहिस कि वहिके दुकान मा 8 नवम्बर 2013 का अचानक आगी लाग गे। या मारे लगभग डेढ़ लाख रूपिया का नुकसान भा है। अब वा मुआवजा के मांग करत है।
बरातीलाल बताइस-“मोर दुकान मुरवल बाजार मा है अउर घर गांव के भीतर है। 8 नवम्बर 2013 के रात तीन बजे गांव के मड़इन से पता चला कि दुकान मा आगी लाग गे है। जबै मैं देखेंव तौ दुकान मा रखा खेती के बोआई सिंचाई खातिर एक सौ पचीस लीटर डीजल 46 बोरी खाद, 25 पेटी ठण्डा के, कूलर, फ्रिज अउर साइकिल सबै जल के रख होइगंे। मैं बरबाद होई गयेंव। खेती किसानी अब कर्जा लइके करैं का परी। अगर दुकान का मुआवजा मिल जाय तौ कुछ कर्जा भर सकत हौं।
लेखपाल श्रीराम कहत है कि जांच कइके जांच रिपोर्ट बबेरू तहसील मा लगा दीन है। होंआ से ही मुआवजा मिली।