जिला चित्रकूट, ब्लाक मऊ, कस्बा मऊ। समाज सेवा करै वाले तौ बहुतै मड़ई होत हवैं । महिला मोर्चा के जिला संयोजक ममता तिवारी भी समाज सेवा करत हवै। आओ जानी ममता तिवारी से उनके काम के बारे मा।
ममता तिवारी का कहब हवै कि मऊ क्षेत्र सबसे ज्यादा पीड़ित अउर अशिक्षित हवै 19 90 से मैं समाज सेवा का काम करत हौं मोर काम मा मोर मनसवा अउर मोर लड़का बहुतै सहयोग करिन हवैं पहिले मैं एक दुइ घंटा काम करत रहिहौं अब तौ पूरा दिन काम करत हौं मऊ ब्लाक मा सनतावन ग्राम पंचायत हवैं जेहिमा से चालिस गांव मा मैं काम कइ चुकी हौं गांव मा शिक्षा के कमी हवै यहै कारन हिंया मड़इन का सरकारी योजना के जानकारी नहीं होत आय।
हिंया के गरीब मड़ई प्रधान, लेखपाल, कोटेदार अउर पुलिस प्रसासन से परेशान हवैं।मड़इन का नियाव देवावत हौं अउर सरकारी योजना की बारे मा बतावत हौं अबै हिंया शौचालय के समस्या हवै वहिका भी दूर करावै के कोशिश मा लाग हौं मैं सबै ब्लाक के समस्या सुनत हौं।
बाईलाइन-सुनीता देवी
25/09/2017 को प्रकाशित
