जिला अम्बेडकरनगर, ब्लाक कटेहरी। हिंआ 31 जनवरी 2015 से आंगनबाड़ी केन्द्रन पै खाना नाय आवत बाय। जेसे गेदहरै निराष लौटत अहैं।
आंगनबाड़ी कार्यकत्री रीता सिंह, सरिता यादव अउर लाली बताइन कि कइयौ आंगनबाड़ी केन्द्र गोपालपुर कला करदासपुर, बरहा नियामत चक अउर आमा जैसे पूरे जिले मा दुई सौ तेइस केन्द्र बाय जिहपै खाना नाय आवत बाय। जबसे खाना नाय आवत बाय तबसे गेदहरै भी कम संख्या मा आवाथे। आंगनबाडी गेदहरै सुविक्षा, दिक्षा अउर रिंकी कै कहब बाय कि खाना अब नाय मिलत जेसे घरे जाय का परा थै। पहले लइया चना, खाना, फल मीनू के अनुसार मिलत रहा। अब जब भूख लागाथै तौ घरे जाई थी। आंगनबाड़ी कार्यकत्रियन कै कहब बाय कि पूरे कटेहरी ब्लाक मा पिंकी ग्रामोद्योग संस्थान जलालपुर से खाना आवत रहा। खाना मा हमेषा कुछ न कुछ कमी मिलत रही। यही कारण षासन द्वारा बन्द कराय दिया गै बाय।
कटेहरी बाल-विकास परियोजना कै प्रधान लेखा सहायक श्रवण कुमार त्रिपाठी बताइन कि दुई सौ तेइस आंगनबाड़ी केन्द्र बाय। जेहपै खाना भेजै से षासन से रोंक लगाय दिया गै बाय। जांच मा कुछ कमी पाई गै रही तबै बन्द कराय दिया गै बाय।
