अड़तालिस घंटा बादौ नाय भै मेडिकल

जिला अम्बेडकर नगर, ब्लाक अकबरपुर। हिंआ नाबालिंग लड़की कै आये दिन कहीं न कहीं शोषण अउर बलात्कार कै घटना सामने आवाथै। तबौ प्रशासन द्वारा यतना लापरवाही कीन जात बाय।
अकबरपुर क्षेत्र कै 9 जून एक छह साल के लड़की के साथे बलात्कार कै आरोप मा गिरफ्तार भै। लड़की के पिता अउर गांव वालेन कै आरोप बाय कि छह साल के लड़की का एक चैदह साल कै लड़का विस्कुट खिलावै के बहाना से दोपहर मा खेलत लड़की का अपने घरे बुलायके लै गै। लड़की के साथे जबरदस्ती बलात्कार करिस। देर शाम तक लड़की अपने घरे नाय आय तौ घरवाले हेरै निकरिन। तौ गम्भीर अवस्था मा लड़की आरोपी संजय के घरमा मिली। घरवाले जिला अस्पताल मा भर्ती कराइन।
वहीं टांडा क्षेत्र मा 12 जून का एक 13 साल के लड़की के साथे गांव कै दुई लड़का एक लड़की के साथे बलात्कार करिन। लड़की के पिता कै आरोप बाय कि हमार विटिया रविवार के शाम रोज की तरह शौच की ताई खेत मा जात रही। पड़ोसी गांव अकूतपुर कै दुई लड़का जबरदस्ती बाग मा उठाय लै गइन। अउर जबरदस्ती सामूहिक बलात्कार करिन। बिटिया के शोर मचावै पै गांव वाले जब तक आइन तब तक आरोपी भागि गये। 12 जून की रात मा लड़की का लइके थाना पै गयन। 12 जून से 14 जून तक लड़की का महिला थाना मा बैठाये रहिन।
पुलिस क्षेत्राधिकारी टाण्डा सुधीर कुमार सिंह बताइन कि लड़की कै चिकित्सीय परीक्षण के बाद कलमबन्द बयान लिखा जाये।
अकबरपुर थाना कोतवाली कै निरीक्षक महेन्द्र प्रताप सिंह कै कहब बाय कि लड़की के पिता के तहरीर पै संजय के खिलाफ मुकदमा दर्ज कइके गिरफ्तार कइके जेल भेज दियागै बाय। जांच चलत बाय।