अस्पताल मा नहीं आय सुविधा

जिला चित्रकूट, ब्लाक कर्वी, सोनेपुर अस्पताल। हिंया आवै वाले मरीज कहिन कि अस्पताल मा पानी का फ्रीजर खराब, दवाई बाहर से खरीदै का परत अउर एक्सरे बाहर से करवावैं का परत हवै।
ब्लाक पहाड़ी गांव भदेहदू के रामू का कहब हवै कि लड़के के पूर शरीर मा दाना निकरत हवंै। वहिका देखावैं सोनेपुर सरकारी अस्पताल आय रहौ तौ बाहर से दवाई अउर तेल खरीदै का परा हवै।
ब्लाक कर्वी, गांव भगनपुर। हिंया के नीरज का हाथ टूट हवै। डाक्टर वहिका 27 अप्रैल का एक्सरे करावैं खातिर कहिन तौ एक्सरे कक्ष बंद रहै। यहिनतान दस लोग एक्सरे कक्ष बंद होय के कारन बाहर से एक्सरे करवाइन। यहै से सौ-सौ रूपिया एक्सरे करवावैं मा लाग।
ब्लाक रामनगर गांव पिपरौंद के सविता अउर कल्ली कहिन कि अस्पताल का फ्रीजर खराब हवै। पियास लाग रहै। पानी पियै फ्रीजर गयेन तौ नल मा पानी नहीं आवत रहै। महिला वार्ड मा फ्रीजर हवै हुंवा पानी मिली। इनतान के गर्मी मा अगर मरीजन का पियै का पानी न मिली तौ का हाल होइ।
अपर सी.एम.ओ. डाक्टर रामबहादुर ंिसंह कहिन कि फ्रीजर सुधरा दीन जई। अगर एक्सरा विभाग बंद रहै। वहिके जांच कराई जई। जउन दवाई अस्पताल मा रहत हवैं तौ मरीजन का दीन जात हवैं। जउन दवाई अस्पताल मा नहीं रहत तौ बाहर से खरीदैं का परत हवै। हिंया किसानन का बर्बाद फसल का चेक नहीं नहीं मिला। या कारन किसान परेशान हवैं।