खबर लहरिया ताजा खबरें अब होतई समस्या के समाधान

अब होतई समस्या के समाधान

rashanghav se

कही गोदाम भरल हई

जिला शिवहर , प्रखण्ड, तरियानी गाँव सुरगाही भीसा टोला। उहां साल भर से राशन  न मिल रहल हई। जई के लेल उसब डी.एम. तक के गुहार लगा देलथिन। लेकिन अब तक राशन के समस्या के समाधान न होलई।
इंहा के विनोद महतो, सुखरी महतो, लखिन्दर महतो कहलथिन कि हमरा सबके पहिले हमरा सब के दोसर डीलर में राशन मिलईत रहलकह। लेकिन अब ओई डीलर के लाइसेंस रद्द हो गेल हईं। साल भर से हम सब राषन के इंतजार करइ छी कि कोन डिलर अब राशन देतई। तेल अउर पिला कार्ड वाला के राशन पैक्स अध्यक्ष बन्दुक सिंह देई छथिन। लेकिन लाल कार्ड वाला के कोनो न देई छई। ऐई के लेल हम  सब दु बेर जनता दरबार में भी गेली पर कुछो सुनबाई न भेल। अब हम सब केकरा कहु? गरीब के जेहे राशन मिल जाईत रहलइय त उबारा  रहलह।
खाद्यान आपूर्ति पदाधिकारी अश्वनि कुमार कहलथिन कि पहिलका डिलर के लाइसेंस रद्द कर देल गेलईय। पर अब मनोज सिंह डिलर  उनका सब के राशन देलथिन। अगला महिना से सब के राशन  मिले लगतई।