ट्राईसाईकिल से वंचित रानी
जिला शिवहर, प्रखण्ड शिवहर, पंचायत, गांव कुशहर, वार्ड नम्बर नौ। उहां हरिशंचंद्र महतो के बेटी रानी कुमारी दुनु पैर से विकलांग छथिन। लेकिन ट्राईसाईकिल न मिल रहल हई। उ श्री श्रीकांत मध्य विद्यालय कुशहर के सातवां वर्ग के विद्यार्थी भी छथिन।
रानी कुमारी कहलथिन कि हम दुनु पैर से विकलांग छी लेकिन हमरा ट्राईसाईकिल न हई। जेई कारण विद्यालय जाये-आवे में भी दिक्कत होईय। कोनो बसो वाला न रोकईय। यदि ट्राईसाईकिल रहईत त बहुत सुविधा होईत ऐई के लेके आठ महिना पहिले जनता दरवार भी गेल रही। लेकिन हमर परेशानी कोनो लोग न समझई छथिन। इनकर माई रेशमी देवी कहलथिन कि इ जन्मे से विकलांग हई। ऐकरा के लेल पंचायत से लेके विद्यालय तक मांग कईली लेकिन न मिललई।
डी.एम कुमार विनोद नारायण सिंह कहलथिन कि आवेदन देथिन। जब ट्राईसाईकिल अतई त उनका देल जतई।