जिला बांदा, ब्लाक महुआ, गांव भवई। हेंया के जहिद खां का आरोप है कि वहिके तरह साल के नाबलिक भतिजी का 15 जनवरी का शाम के लगभग 6 बजे घर से अपहरण होइगा है।
जहिद खां का कहब है कि मोर भाई लगभग 8 साल पहिले मर गा रहै। भवजाई मेहनत मजदूरी कइके आपन कउनौ तान गुजारा करत है। जबै वा 15 जनवरी का घर आई अउर लडकी न दिखान तौ हम गांव मा पता लगवा अउर पुरे रिस्तेदरी मा पता लगवा है, पै कउनौ पता नहीं चला। 16 जनवरी का पता लाग कि नवल पुत्र नामालूम निवसी गोखरही जउन तिन्दवारी रोड मा है। वहिके साथै लड़की का बस मा पनगरा पुल के पास जात दिख गा है। नवल लहुरेछा गांव मा टेक्टर का डरइवरी करत रहै। बहतै पता करैं के बाद नवल का मोबइल नम्बर मिला है। जेहिका नम्बर 9408964924 है। वा दिन से हम लोग वहिका नम्बर लगवत हन पै व बंद बतावत है।
यहिसे हम नरैनी कोतवाली मा दरखास दइके आपन नबालिक लड़की का छुडावैं अउर नवल के उपर कारवाही करैं के मांग कीन है। नरैनी कोतवाली से मिली जानकारी के अधार से अबै या मामला के जांच चलत है जांच के हिसाब से आगे के कारवही कीन जई।