जिला फैजाबाद, क्षेत्र पूराकलंदर यूपी मा बढ़त हिंसा रुकै कै नाम नाय लियत बाय। चाहे बाहर हुवय या घर। लड़कियै कहूँ भी सुरक्षित नाय बाटिन।13 मार्च का होली के हुडदंग मा फैजाबाद जिला के पूराकलंदर क्षेत्र मा चार साल के बच्ची के साथ उनके चचेरे भाई के बलात्कार कै मामला सामने आय बाय।
लड़की के बहन कै कहब बाय कि हमरे सब होली खेलत रहेन। उनके घरे नहाय के ताई गयन।पापा बच्ची से कहिन जा तुहू नहाय आवा। नहाय गए तौ बच्ची वहिसे लापता होयगए।पड़ोस मा हर जगह मम्मी खोजिन लकिन नाय मिली। हमरे चाचा कै लड़का भूसा वाला घर कै दरवाजा खोलिन बताइन की एहि बाटिन तोहार बिटिया, जबकि वहि एक बार हेर के आय रहिन।
लड़की के दादी कै कहब बाय की हम देखेन तौ हमै लाग कि लड़की के ठंढी लाग बाय तेल मालिस करत अहैं लकिन जब कपड़ा पहिनावे लागिन तौ खून से भीगगा। जब उनकै महतारी चिल्लाय लागिन तौ सब इकट्ठा होय गइन।तुरंत जिला अस्पताल लै गइन लकिन अस्पताल वाले कहिन की पहिले रिपोर्ट लिखवावा तब दवाई होये।
लड़की के पिता कै कहब बाय की कइव बार हेरेन तब जाय के जब दरवाजा खोलिन अउर बताइन की लड़की हियाँ बाय तौ हमैं बेहोशी हालत मा मिली।कईव् जगह चोट आय रही अउर जीभ कटी रही।हमैं बिस्वास नाय रहा की वै एस करिहै।हमरे सगे भाय कै बेटवा होइके।
पूराकलंदर थाना के थानाध्यक्ष समशेर बहादुर सिंह कै कहब बाय की आरोपी का 376 पास्को एक्ट के तहत जेल भेजा गा बाय। मेडिकल आधार के रिपोर्ट पै कारवाही कीन जाये।
रिपोर्टर- संगीता
21/03/2017 को प्रकाशित
