जिला चित्रकूट, ब्लाक पहाड़ी, कस्बा पहाड़ी। हिंया मड़ई अन्ना जानवर से परेशान हवैं। या समस्या तीन महीना से हवै। काहे से कि धान के खेती चर लेत हवै। यहिके खातिर राजापुर टाउन एरिया मा कहा गा, पै कउनौ सुनवाई नहीं भे आय।
अन्ना जानवर करत परेशान
राजापुर टाउन एरिया के चेयर मैन लक्ष्मी प्रसाद वर्मा का कहब हवै कि मड़इन से कइयौ दरकी आपन जानवर बांधै खातिर कहा गा हवै। अगर न मनिहैं तौ उनके ऊपर जुर्माना लागी अउर मालिक का जेल भेजा जई।
कस्बा के बंशीलाल, देशराज, पिन्टू अमन अउर राहुल समेत पचास मड़इन का कहब हवै कि अन्ना जानवर से बहुतै परेशान हन। अन्ना जानवर रोड मा ठाढ़ होइ जात हवै। यहिसे साधन नहीं निकर पावत हवै। यहै से घंटन ठाढ़ रहै का परत हवै। या समय धान के फसल लाग हवै। वहिका भी खराब कइ देत हवै। मड़ई अन्ना जानवर काहे नहीं बांधत आय। अन्ना जानवर खातिर टाउन एरिया मा कहे हन, पै कउनौ सुनवाई नहीं होत आय।