पेंसन के लेल परेशान परिवार
जिला शिवहर, प्रखण्ड तरियानी, पंचायत बेलहिया, गांव सरवरपुर, वार्ड नम्बर चार। इहां सरधा देवी के पति रधुनाथ सिंह के मरला ग्यारह साल हो गेलई। लेकिन इनका सरकारी पेंसन न मिल रहल हई। जबकि इनकर पति मध्य विद्यालय के सहायक शिक्षक रहलथिन। पेंसन न मिले के कारण हई कि सेवा पुस्तिका विभाग से गायब हो जाये के सूचना मिल रहल हई।
सरधा देवी कहलथिन कि हमर पति के 10 अगस्त 1960 में शिक्षक के नियुक्ति भेल। 30 जून 1996 में रिटायर हो गेलथिन त रिटायरमेंट भी मिलल। तहिया से उ जिन्दों रहलथिन त जिला में सेवा पुस्तिका भुला गेलई। जेई कारण पेंसन भी मिलईक त पुरा न मिललई। लेकिन 23 मई 2003 में उ मर गेलथिन तहिया से हमरा कुछो न मिलईय। पेंसन भी बंद हो गेलई। हमरा चार गो बेटी, एगो बेटा रहलक। बेटा भी मार्च 2011 के मर गेलक। जेकरा चार गो बेटी हय। हमरा न बेटा हई, न पति। छौ आदमी के परिवार केना चलत? पति वाला पेंसन भी मिलईत त ओई से घर चलईत।
जिला पदाधिकारी कुमार विनोद नारायण सिंह कहलथिन कि उनकर सेवा पुस्तिका भुला गेल हई। जेई कारण इ समस्या हई। शिक्षा विभाग में कागज खोजल जतई अभी समय लगतई। यदि उ मर भी जईथिन त उनका परिवार के पेंसन मिल जतई।