अधिंयारे मा डूब गांव

जिला चित्रकूट, ब्लाक पहाड़ी, गांव कुचारम। हिंया के कइयौ मड़ई कहिन कि पन्द्रह दिन से बिजली का ट्रान्सफारमर फुंका हवै। या कारन लगभग अट्ठारह सौ मड़ई अंधियारे मा रहैं का मजबूर हवैं। बिजली का ट्रान्सफारमर बदलावैं खातिर कइयौ दरकी कहा, गा पै कउनौ सुनवाई नहीं भे आय।
गांव के बालकृष्ण द्विवेदी, तेजनारायण, कीर्तन प्रसाद द्विवेदी अउर राजकरन द्विवेदी का कहब हवै कि यहिनतान पिछले बरस बिजली का ट्रान्सफारमर फुंक गा रहै तौ गांव का मड़ई इकट्ठा होइके छह हजार रूपिया का चंदा कीने रहेन तौ बिजली का दूसर ट्रान्सफारमर मंगवाये रहेन। या बरस तौ खेत मा भी कउनौ फसल नहीं भे हवै कि अपने से चंदा इकट्ठा कइके बिजली का ट्रान्सफारमर बदला लेइ। दूसर बात पिछले बरस राजीव गांधी योजना के तहत नवीनीकरण भा रहै तौ खम्भा भर लाग हवै। बिजली का तार नहीं लाग हवैं। तीस बरस पुरान एक बिजली का तार लाग हवै। वहै से बिजली जलावत रहौं। जबै कि ट्रान्सफारमर मा चार तार लागैं का चाही।
कर्वी बिजली विभाग के जेई राजेश का कहब हवै कि बिजली का ट्रान्सफारमर बदलावै का प्रस्ताव बना के भेज दीन गा हवै। जबै पास होइ तौ लगवावा जई।