अधबने हवै शौचालय

चित्रकूट जिला, ब्लाक मऊ गांव तुरगवां मजरा देवरिहा। हिंया के कुछ औरते बताइन कि दस बरस से शौचालय अधबने ठाड़ हवैं। हम ब्लाक मा 19 मई का बी.डी.ओ. का दरखास दइके षौचालय का पूर बनवावै के मांग कीन हन।
देवरिहा मजरा के गनेशी, राजकुमारी, विमला अउर मुन्नी बताइन कि शौचलय न बनै से हम लोगन का बहुतै परेशानी उठावै का परत हवै। हमैं शौच खातिर बाहर जाये का परत हवै। या समय तौ बहुतै परेशानी होत हवै काहे से कि खेत भी एक दम खाली हवैं हमें दूर-दूर तक आड़ नहीं रहत आय कि कत्तौ तौ बइठ जई। पता नहीं कबै हमार समस्या खतम होइ।
मजरा के कुछ मड़इन का कहब हवै कि हिंया लगभग पन्द्रह शौचालय दस बरस पहिले बने रहंै उई भी अधूरे हवैं। कउनौ प्रधान हम गरीबन के सुनवाई नहीं करत आय। सरकार अगर रूपिया खर्चा करत हवै तौ वहिका पूर ढंग से काहे नहीं बनवावत आय ?
प्रधान शिवकुमारी का मनसवा शिवपाल का कहब हवै कि शौचालय बनवावै खातिर अब लक्ष्य आवै वाला हवै तौ शौचालय बनवाये जइहै।
मऊ के ए.डी.ओ. पंचायत बिन्दा प्रसाद का कहब हवै कि गांव मा षौचालय का सर्वे छह महीना पहिले भा हवै। जेहिकेष्षौचालय अधूरे हवैं उनका नये बनवाये जइहैं पुरानन के मरम्मत खातिर कउनौ बजट नहीं आय।