अगर सुनवाई न होइ तौ अदालत तक जइहौं

जिला चित्रकूट, ब्लाक मऊ, कोलमजरा। हिंया के कमलाकांती आपन बीती कुछ इनतान बताइस कि मोर शादी 2013 मा मध्य प्रदेश, जिला रीवा के चैर गांव मा रहै वाले शिवभवन साथै भे रहै। मनसवा दहेज मा एक भइंस, गले सोने के चैन अउर पचास हजार रुपिया नगद मांगत रहै। यहिसे वा मारपीट करत रहै। यहिके रपट बरगढ़ थाना मा 7 अप्रैल का लिखाये हौं। अपने मइके मा डेढ़ साल से रहत हौं। शादी होय के बाद कुल दुइ दरकी ससुराल गई रहौं, पै अब मनसवा दूसर शादी करत हवै। अगर थाना के पुलिस सुनवाई न करी तौ अदालत तक जइहौं।
मनसवा से बात करं के कोशिश कीन गे,पै बात नहीं भे आय।
बरगढ़ थाना के दरोगा संतशरण कहिन कि शिवभवन का शादी होय के पहिले पकड़ के जेल भेजा जई।