सड़क बनवा दीन जई

सड़क मा गढ़वा
सड़क मा गढ़वा

जिला चित्रकूट, ब्लाक कर्वी, कस्बा शिवरामपुर, सोनारन पुरवा। हिंया लगभग तीस मीटर सड़क पन्द्रह बरस से नहीं बनी आय। या कारन सैकड़न मड़ई परेशान हवैं। सड़क बनावै खातिर कइयौ दरकी प्रधान शिवबरन कपडि़या से कहा गा, पै वा नहीं सुनत आय।
प्रधान शिवबरन कपडि़या का कहब हवै कि अबै बजट नहीं आय। सरकार कइती से बजट आ जई तौ सड़क बनवा दीन जई।
पुरवा के रमन सोनी अउर झुल्लू का कहब हवै कि सड़क न बनै के कारन सड़क मा कांदौ भरा रहत हवै। छोट छोट बच्चा कांदौ मा गिर जात हवैं। एक बरस पहिले एक बिटिया गिरगे रहै तौ वा चोटा गे रहै। सड़क मा बड़े बड़े गढ़वा हवैं। सड़क बन जाये तौ हमार सबै समस्या खतम होइ सकत हवै।