12 फरवरी के रात आठ बजे चित्रकूट जिला के एक गांव मा ख़ुशी के शहनाई बाजत रहै तौ दूसर कइत एक लड़की के साथै बलात्कार होत रहै अउर उत्तर प्रदेश का बलात्कार मा टाप कीन जात रहै। हत्या अउर बलात्कार जइसे अपराध के मामला मा उत्तर प्रदेश राज्य सबसे आगे हवै। राष्ट्रीय अपराध रिकार्ड ब्यूरों के आकड़ा से 2016 मा उत्तर प्रदेश मा बलात्कार के अड़तिस हजार नौ सौ सैतालिस मामला दर्ज कीन गे हवैं।
लड़की बताइस कि गांव मा जबै मड़ई बारात मा मगन रहै, तबै विक्रम नाम का लड़का घर मा घुस के मोरे साथै बलात्कार करिस हवैं। मैं खाना खात रहिहौं तबै वा लड़का आवा अउर बाप का पूछिस फेर मोर साथै बलात्कार करिस हवै। तबै मैं चिल्लाएं हौं तौ मोर दीदी अउर जीजा आगे तौ उनका भी मारिस हवै। आवाज सुन के जबै गांव के मड़ई आये तौ वा भाग गा। जबै रात के मोर बाप आ गा हवै तौ रपट लिखवावै गये हन।
बहिनी का कहब हवै कि 12 तारीख का घटना भे हवै, पै अबै तक रपट नहीं लिख गे आय।
सी.ओ.राजापुर सुरेश प्रसाद शर्मा बताइस कि मुकदमा लिख लीन गा हवै, लड़की का मेडिकल करावा जात हवै। जांच के बाद मा कारवाही होइ। आरोपी फरार हवै।
रिपोर्टर- सुनीता देवी
