पेंशन मिलै, नहीं मेहनत होइगे माटी

एस.डी.एम संजीव सिंह
एस.डी.एम संजीव सिंह

जिला चित्रकूट, ब्लाक पहाड़ी, गांव भुजौली माफी, पुरवा महोरिछ। हिंया का नवाब हुसैन लगभग डेढ़ बरस से वृद्धा पेंशन खातिर परेशान हवै। या कारन 25 मार्च 2014 का कर्वी एस.डी.एम संजीव सिंह का लिखित दरखास दिहिस हवै।
कर्वी एस.डी.एम संजीव सिंह का कहब हवै कि लिखित दरखास लइ लीन गे हवै। यहिके खातिर समाज कल्याण विभाग मा कहा जई।
पुरवा के रहैं वाले नवाब हुसैन का कहब हवै कि बुढ़ापे मा हाथ गोड़ भी नहीं चलत हवैं कि कउनौ मेहनत मजूरी कइ सकौं। इनतान के उम्र मा कउनौ का सहारा नहीं आय। या कारन सोंचत हौं कि अगर वृद्धा पेंशन मिलै लागै तौ थोइ नून रोटी चलैं लागै। वृद्धा पेंशन खातिर मैं बहुतै परेशान हौं।
यहै से कर्वी एस.डी.एम का लिख्,ात दें खातिर अपने पुरवा से किराया भाड़ा लगा के आय हौं। अगर सुनवाई होइ जाये तौ बहुतै नींक रही। नहीं तौ मोर मेहनत मा पानी फेर जई। सरकार तौ हम जइसे बूढ़ मड़इन खातिर वृद्धा पेंशन के योजना बनाये हवै, पै यहिके बादौ बूढ़ मड़इन का वृद्धा पेंशन नहीं मिलत हवै।