जिला बांदा, ब्लाक अउर तिंदवारी, मोहल्ला प्रेमनगर। हेंया सड़क के किनारे लाग हैण्डपम्प का पानी हैएडपम्प के अइत कइत भरा रहैं से पानी गंदा होत है। 20 जून का मड़ई चेयरमैन से गड्ढा खोदावै के मांग करिन हैं।
कैलाश, लक्ष्मी अउर सुरेश का कहब है कि हैण्डपम्प के अइत कइत गंदा पानी भरा रहैं से लोगन के नहाये, कपड़ा धोये का जउन पानी हैण्डपम्प के किनारे गिरा दीन जात है। वा पानी भ्रा रहैं से दुबारा तरे सोख जात है। अबै तक गर्मी रहै तौ ज्यादा दिक्कत न रहै। बरसात महीना पानी भरे गंधात है। साथै पानी प्रदूषित होत है। या पानी पियैं से खांसी, जुकाम जइसे के बीमरी फइल सकत है।
चेयरमैन बृजेश का कहब है कि गड्ढा खोदवावब बहुमै जरूरी है। बजट पास करावैं मा थोई देर तौ लगबै करी।