महोबा के चरखारी ब्लॉक में तालाब की खुदाई से बरसात में मुसीबत

जिला महोबा, ब्लाक चरखारी कस्बा चरखारी खे तालाब में खोदाई का काम होत हे। तालाब खे मिट्टी सड़क खे किनारे में डरी हे। जीसे एक्सीडेंट होय खा खतरा बनो हे। तालाब के मिट्टी हटवाये खा नगर पालिका में कहो गओ,पे सुनाई नई भई।
छोटे कहत हे कि तालाब के मिट्टी परी होय खे कारन मोटर साइकिल ओर पैदल चलें वाले लोग गिर जात हें। जीसे चोट लागे खा खतरा बनो हे। अगर जेसीबी मशीन चल जाये तो मिट्टी फिंक जाये।आवे जाये खा लोगन का आराम होई जाये
मीरा कहत हे कि रास्ता मा कादों मचो हे। एक ट्रैक्टर वालो आउत रहे तो ऊने ट्रैक्टर दीवार में घुसेड़ दओ जीसे मैं घायल होय से बाल बाल बच गई हों। कभऊ भी बड़ी दुर्घटना होई सकत हे।
गणेश बताउत हे कि छोट छोट बच्चा अउर मोटर साईकिल मिट्टी में फंस जात हें। अनुज कहत हे कि मिट्टी हटवाये खा नगर पालिका में कहो गओ, पे ध्यान नइं देत हें।
नगर पालिका वाले कहत हें कि ओते के मिट्टी हटवाये खा अधिशाषी अधिकारी से कहो गओ हे। ठेकेदारन से मिट्टी हटवाई जेहे।