नरैनी मा आय नये एस.डी.एम.

जिला बांदा, तहसील नरैनी। हेंया 21 फरवरी का नये एस.डी.एम. महेन्द्र सिंह पैलानी तहसील से आ के आपन कार्य भार संभालिन हैं। उंई मिर्जा पुर जिले के रहैं वाले आय। उनका परिचय अउर बात चीत कुछ इनतान हैः
सवाल- खाद्य सुरक्षा का लइके या तहसील मा बहुतै जोर शोर से हंगमा मचा है। वहिमा आप के का राहय है।
जवाब-एस.डी.एम.बुन्देलखण्ड वइसे भी बहुतै पिछड़ा इलाका है। या साल बारिश न होय से किसान अउर गरीब मजदूरन मा तंगहाली छाई है। खाद्य सुरक्षा कानून के तहत आवैं वाला राशन सब का देवावैं के पूरी कोशिश कीन जई। कउनौ भी कोटेदार के शिकायत आई तौ जल्दी ही कारवाही कीन जई।
सवाल- या क्षेत्र मा बालू खनन का काम बहुतै तेजी से चलत है। वहिके खातिर आप का खास करिहौ।
जवाब- मैं या तहसील का कार्य भार संभले हौं। वहै दिन बालू खनन के मामला मा कुछ गांवन का दउरा करे हौं आगे भी इनतान के मामला अइहैं। उनमा खास तौर से ध्यान दइके कारवाही कीन जई।