ट्रक के टक्कर से तीन बच्चन के मउत

जिला बांदा। 27 नवम्बर का सुबेरे सात बजे स्कूली बच्चन से भरी आटो का तेज रफ्तार से आवत ट्रक रौंद दिहिस। दुई सगेे भाईन समेत तीन बच्चन के दरे मा मउत होइगे। साथै एक दर्जन बच्चन समेत बीसन लोग घायल हैं। घटना बांदा से महोबा बाई पास चैराहा मा भे है। या हादसा के बाद जम के बवाल भा। गुस्सान मड़ई ट्रक समेत दुई छोट वाहन अउर सात दुकान आगी से फूंक दिहिन। लाश सड़क मा रख के मुआवजा दें अउर ट्रक चालक के खिलाफ कड़ी कारवाही का भरोसा पावैं के बाद अउर पुलि अधिकारिन के घण्टन मक्कशत के बाद जाम खुला। चिलेहटा गांव निवासी रामभारती के लड़का अरविन्द अउर रवि दूनौ केडी मांटेसरी स्कूल मा पढ़त रहै। अरविन्द छठवीं अउर रवि सातवीं मा पढ़त रहै। तीसर बच्चा रामू (उमर 12 साल) तीन बच्चन के मउत से गांव मा दुख का माहौल है। घटनास्थल मा पहुंच अफसरन के साथै ए.डी.एम. डी.एस. पाण्डेय मुख्यमुत्री राहत कोष से मरैं वाले बच्चन के परिवार का दस दस लाख रूपिया देवावैं का भरोसा दिहिन। साथै ब्रेकर बनवावैं का कहिन हैं, पै अबै तक ट्रक ड्राइवर का पता नहीं चला आय। कोशिश जारी है। यहिनतना तिन्दवारी ब्लाक के गांव केवटरा का गुलजारी कहिस कि तेज रफ्तार मा आवा डम्फर लड़की सीमा का कुचल दिहिस। तिन्दवारी थाना मुंशी कहिस कि धारा 279(लापरवाही से वाहन चलाउब) अउर इलाज के दौरान मउत के धारा 304 लाग है।