गलत सीट आवैं के शिकायत

जिला बांदा, ब्लाक महुआ, गांव जमरेही। हेंया के मड़इन का आरोप है कि रूपिया के बल मा प्रधानी के सीट सामान्य जाति के फेर आ गे है। जबकि पिछड़ा वर्ग के सीट आवैं का चाही।
पुलीचन्द्र, मोहन, नाजिम खां अउर साबिर का कहब है कि जबै से चुनाव होब षुरू भा होई तब से सामान्य वर्ग के सीट आई है। अउर प्रधान भी एकै परिवार का जीतत रहा है। 2010 मा अनुसूचित जाति के सीट आई अउर प्रधान बाबादीन वर्मा है। या प्रधान नाम भर का है प्रधानी तौ उनहिन के हाथ है। अब फेर से सामान्य वर्ग के सीट आई है। जबैकि पिछड़ा वर्ग के सीट आवैं का चाही। हम सी.डी.ओ. का दरखास दीन है।
डी.पी.आर.ओ. रणधीर सिंह कहिन कि आबादी के हिसाब से आरक्षण सही पाये गे हैं। या मारे अब इं मामलन मा कउनौ कारवाही न कीन जई।