एक महीना हो गये अपहरण के अभे भी नई लगो लड़की को पता

जिला महोबा, ब्लाक कबरई, थाना कबरई। क्षेत्र के एक महिला को आरोप हे की एक महीना पेहले मोई सोलह साल की लड़की खा गांव का ही राजा बहला फुसला के ले गओ हे। ईखी रिर्पोट कबरई थाने में करी हती। मुकदमा लिखे के बाद भी कोनऊ पता नइया।
ओरत बताउत हे कि मार्च के महीना में लड़की गांव से कबरई पेपर देन आई हती तभई गांव को राजा नाम को लड़का मोई लड़की खा बहला फुसला खे ले गओ हे । अपने रिस्तेदार ओर आस पास पता करो पे नई मिली बाद में पता चलो कि राजा भगा ले गओ हे। हमने कबरई थाना में नाम जद रिर्पोट करी हती। रिर्पोट लिखे के बाद पुलिस ने लड़की को अभे तक पता नई लगाओ हे। राजा परिवार के वालेन खा पता हे। हम कुछ कहत हे तो हमाये दरवाजे पे रोज गाली गलौज करत हें। न्याय के लाने एस.पी. खा दरखास दई हती ओर कबरई थाना के चक्कर लगाउत हे। मोये भरोशा के अलावा कछु नई मिलत हे। मोये लागत हे कि लड़की खा कहूं मार न दें।
कबरई थाने खा एस.ओ. सुरेन्द्र कुमार यादव बताउत हे कि मुकदमा लिख गओ हे। धारा 364 (अपरहाण) की लगी हे। लड़की खा पता लगाओ जात हे।