हो रहल हई गांव के विकास

IMG_0172
सड़क बनवईत मजदुर

जिला सीतामढ़ी, प्रखण्ड डुमरा, पंचायत, गांव लगमा। उहां अत्यंतपिछड़ा वर्ग के टोला हई। जे बीसो बरस से ओई टोला के सड़क खराब रहलईय। अब उ सड़क बन रहल हई। इ सड़क वार्ड नम्बर नौ अउर दस में परई छई।
उहां के छठ्ठू दास, सुशील दास, मंजू देवी लगभग बीसो लोग कहलथिन कि इ रास्ता पर त हम सब हर हमेशा पानी कादो हेल के जाईत रहली। अब उहां नाला अउर सड़क दुनु साथे बन रहल हय। रात बेरात में भी अब आवे जाये में दिक्कत न होतई। न पानी बहावे में वार्ड सदस्या प्रभा देवी कहलथिन कि आम सभा 15 अगस्त 2013 के कार्ययोजना में डालले रही। मनरेगा के तहत उ सड़क पास भेगेलय अब बन रहल हई। ओई सड़क में काम करे बाला मजदूर सब कहलथिन कि हम सब बीस दिन से काम करईले। अभी कहां रूपईया मिलल। लेबर कार्ड भी हमरा सब के पास हई। गरीब आदमी के त मजदूरी के ही आशा हई। मुखिया सरोज कुमार कहलथिन कि उनका सब के मजदूरी एक सौ बासठ रूपईया के रोज से मिलतई चेक के द्वारा। ओई सड़क लम्बाई चार सौ पंद्रह फिट अउर चैराई दस फिट हई।
कार्यक्रम पदाधिकारी कुमार चंद्रशेखर अउर रोजगार सेवक रामनिवास सिंह कहलथिन कि ओई सड़क अउर नाला के बजट लगभग चार लाख बासठ हजार रूपईया के बजट से बन रहल हई।