हो जतई उनकर काम

राजकली देवी
राजकली देवी

जिला सीतामढ़ी, प्रखण्ड बथनाहा, पंचायत हरनहिया, गांव बगमरी, वार्ड नम्बर नौ। इहां के जगदीश राम के मरला छौ साल हो गेलई। लेकिन उनका न त मृत्यू प्रमाण-पत्र बनलई अउर न उनका कोई सुविधा अभी तक मिलई छई।
उनकर पत्नी राजकली देवी कहलथिन कि हमरा पति के मरला लगभग छौ सात साल हो गेल लेकिन हमरा पति के नाम से अभी तक मृत्यू प्रमाण-पत्र न बनल। जेई कारण अभी तक हमरा कोई सुविधा न मिल रहल हय। जब कि वार्ड नम्बर आठ के वार्ड सदस्य हमरा से आठ सौ रूपईया भी लेले हय। दु चार सौ रूपईया त केते लोग लेलक मृत्यू प्रमाण-पत्र बना के पेंसन, पारिवारिक लाभ देवावे के लेल। लेकिन कहां कोई लाभ मिलल। हमरा तीन बच्चा हय। सब के दोसरा के खेत में काम कर के खिलबई छी।
प्रखण्ड विकास पदाधिकारी वसंत कुमार कहलथिन कि के अईसन कोन मुर्ख सब हय जे गरीब अउर विधवा से रूपईया लेलक। उनका सजा मिलतई। अभी उनकर आवेदन हम अपना हाथ में लेके उनकर सब काम करवा देबई।