हैण्डपम्प खराब, प्रधान खा नइयां पता

gao se copyजिला महोबा, ब्लाक चरखारी, गांव कनेरा, वार्ड नम्बर छह ई गांव मे दो हैण्डपम्प दो महीना से खराब परो हे। प्रधान खा सूचना देय के बाद भी कोनऊ ध्यान नइयां। आदमी पानी के लाने दिन दोपहरी भटकत हे।
ऊषा कहत हे की हमाये मोहल्ला के हैण्डपम्प तीन महीना से पानी कम निकरत हे। हम लोग खुद से सुधरवाउत हे। चैन टूट जात हे। जीसे तार से बांध लेत हे। हैण्डपम्प मे नओ सामान डारे की जरूरत हे।
पुष्पा कहत हे की ई मोहल्ला मे तीस मकान की आबादी हे। जोन पानी भरत हे। ईखे अलावा ओर कोनऊ हैण्डपम्प मे पानी नई निकरत हे। पार्वती कहत हे हैण्डपम्प सुधर जाये तो सही रेहे। काय से हम लोग एक-एक बाल्टी के पानी खा तरसत हे।
प्रधान मूलचन्द्र कहत हे की तीन हैण्डपम्प खराब हे। मिस्त्री खा फोन करके कहो हतो पे ऊ नईं आओ हे। एक हफ्ता के भीतर हैण्डपम्प मे नओ सामान डरवा के सही करा दआ जेहे।
मिस्त्री रामप्रकाश कहत हे की प्रधान ने हैण्डपम्प खराब होंय की सूचना दई हती। घर मे अचानक काम लग जायें के कारन नईं जा पाये हे। ओते को हैण्डपम्प जल्दी बनाओ जेहे।

रिपोर्टर – सरोज सैनी