दस साल से महिला डाक्टर निहाय

atraजिला बांदा, ब्लाक नरैनी, कस्बा अतर्रा। हेंया के सामुदायिक स्वास्थ्य केन्द्र मा दस साल से स्त्री रोग विशेषज्ञ महिला डाक्टर निहाय। औरतन का अंदरूनी बीमारी के इलाज खातिर प्राइवेट इलाज करावैं का परत है।
पल्हरी गांव से आई फूला अउर शान्ती बताइन कि अन्दरूनी बीमारी के बात तौ दूर है। सबसे जरूरी बात या है कि रोज का डिलेवरी खातिर आवैं वाली औरतै पुरूष डाक्टर से खुल के आपन समस्या नहीं बता पउती। हम खुदै आपन अन्दरूनी बीमारी का इलाज बांदा जिला महिला चिकित्सालय मा कराइत है।
अतर्रा चिकित्सा अधिकारी बी.के श्रीवास्तव कहिन कि हेंया एक महिला डाक्टर दन्त विशेषज्ञ है। दुई स्त्री विशेषज्ञ महिला डाक्टर का पद खाली है। फरवरी 2015 मा सी.एम.ओ. का लिखित दरखास दइके महिला डाक्टर के मांग कीन है। स्वास्थ्य विभाग से जवाब मिला है कि जब जिला मा ही महिला डाक्टरन के कमी है तौ ब्लाक मा कहां से पूर होइहैं।