हरिजन के जमीन पर मिट्टी भराई

Photo0100
हरिजन के झोपड़ी

जिला सीतामढ़ी, प्रखण्ड सोनबरसा, पंचायत इन्दरवा, गांव नरकटिया। उहां मनरेगा के तहत महादलित अउर अनूसुचित जाति के जमीन में मिट्टी भराई के काम हो रहल हई। जेइमें अभी तक लगभग पन्द्रह- सोलह लोग के जमीन में मिट्टी भराई के काम हो गेल हई।
इहां के योगेन्द्र दास, साहेब माझी, सखीचन माझी, वरण माझी, महेन्द्र माझी सब कहलथिन कि केकरो अंगना-घर हई त केकरो खेत, दुरा या गड्ढ़ा हई। चार धुर से लेके एक कठ्ठा तक ही जमीन में सबके मिट्टी भराई भेलई। हम सब वार्ड सदस्य के सूचना देली ओकरा बाद मनरेगा के तहत मुखिया द्वारा मिट्टी भराई होलईह। बहुत दिन से सोचईत रहली कि मिट्टी भरायेब, लेकिन रूपईया न जुटईत रहलईह, तब न जमिन भरवईत रहली ह। अभी सरकारी मिट्टी भरलईह।
मुखिया कारो देवी के पति अयोधी पासवान कहलथिन कि लगभग अढ़ाई फीट गहराई अउर चैड़ाई जेकर जेतना जमीन हई ओकरा ओतना मिट्टी  भरायल हई। अभी अनुसूचित जाति अउर महादलित केही मनरेगा से काम हो रहल हई प्रखण्ड कार्यक्रम पदाधिकारी कुमार गौरव के कहना हई कि मुखिया के खाता में मनरेगा के द्वारा रूपईया  गेलेहई। उहे काम करा रहल छथिन।