हरा पेड़ काटि के उजारिन बगिया

Exif_JPEG_420जिला फैजाबाद ब्लाक मया, गांव खुशहालगंज। 14 मार्च का चार पेड़ महुआ एक पेड़ आम कै हरा पेड़ काटिके बगिया उजार दिहिन। गांव कै मनई आरोप लगाइन कि शनोराम बेटवा बिरजू, शियाराम, चन्द्रभान सिंह मिलके हरा पेड़ काट डारिन।
मोहम्मद लियाकत बताइन कि हमार घर खुशहालगंज गांव लखनीपुर मा हुवय लकिन खेत अउर बगिया रोशननगर मा बाय। पचासन साल कै लाग हरा पेड़ लगावा गै रहा लकिन दबंगई से पूरी बगिया कै पेड़ काटि डारिन। आम महुआ मा बौर आइगा रहा। हम रोकै गयन तौ हमका जान से मारै कै धमकी दियत रहिन।
रोशननगर कै चन्द्रमा सिंह, लखनीपुर कै बिरजू बताइन कि आजा बाबा के जमाने कै पेड़ रहा। केतना मेहनत से एक पेड़ तैयार कै मिलाथै तब कहूं जाइके फल लागाथै। अब फल लागै का भै तौ सब काटिके गिराय दिहिन। अगर जमीन उनके खतौनी मा जात रही तौ हमरे सब आपन पेड़ कटाय लीत।
थाना महराजगंज कै प्रभारी निरीक्षक बृजेश कुमार सिंह बताइन कि सूचना मिला बाय। आरोपी का हेरा जात बाय। जल्दी गिरफ्तारी कीन जाये।