हमीरपुर, महोबा ओर तिंदवारी खे नये सांसद

पुष्पेन्द्र सिंह
पुष्पेन्द्र सिंह

जिला महोबा, हमीरपुर ओर तिंदवारी लोकसभा सीट खे लाने ई दइयां लगभग नौ लाख चैसठ हजार वोट परे हें। जीमे भाजपा के प्रत्यासी पुष्पेन्द्र सिंह चन्देल खा कुल चार लाख तिरपन हजार से ज्यादा वोट मिले। ईखे पछाऊं हते सपा पार्टी के प्रत्यासी विश्वम्भर प्रशाद निषाद। ईखा दो लाख से कम वोट मिले हें। निषाद से टक्कर बसपा के प्रत्यासी राकेश गोस्वामी ने लओ। गोस्वामी तीसरे नम्बर पे निषाद से दस हजार वोट से पछाऊं हते। खबर लहरिया पत्रकार नये सांसद चन्देल के घरे पोंहचे पे ओते चन्देल तो नई मिले, पे ऊखी मताई शील सिंह चन्देल से बातचीत करी गई। ऊने अपने लड़का ओर नये सांसद खे लाने कछू ऐसो कहो..

शील सिंह चन्देल
शील सिंह चन्देल

पुष्पेन्द्र की मताई शील सिंह चन्देल ने बताओ कि मोओ लड़का पेहली दइयां लोक सभा को चुनाव लड़ो हे। ओर ऊने जीत भी हासिल करी हे, पे ई जीत के पछाऊं ऊखो नई बल्कि जनता खा प्यार ओर सहयोग हे। एई से ई जीत पे जनता को अधिकार हे। ऊसई तो ऊखा कभऊं कोनऊ नींके काम करे खेे लाने कहे खा नई परत आय। में मताई ओर एक आम जनता होये खे नाते एई सलाह देहों कि हमेशा गरीबन खे मदद करे ओर अपने महोबा खे साथे पूरे बुन्देलखण्ड को विकास करे।