हत्या कै आरोपी गिरफ्तार

(फोटो साभार: इण्डिया टुडे)
(फोटो साभार: इण्डिया टुडे)

जिला फैजाबाद, कस्बा अयोध्या, मातगौड़ चैराहा, चंदापुर मन्दिर। हिंआ के मनइन कै आरोप बाय कि 28 मई 2015 का 9 साल के चांदनी कै हत्या कै कमरा के सामने रहै वाले देवानंद करे बाटे। पुलिस उनका गिरफ्तार कइके जेल भेज दिहिन।

चांदनी कै अम्मा आरती बताइन कि गुरूवार का खाना बनायके गेदहरन का खवाय के मजदूरी करै चली गै रहेन। फिर हमैं सूचना मिली कि तोहार बिटिया फांसी लगाय लिहिस। हमार बिटिया काहे फांसी लगावत। वही दिन सुबेरे हमरे कमरा के सामने रहै वाले रिक्सा चालक देवानंद के घर कै पर्दा फाटगै रहा तौ वै गुस्सा रहे हमरे बिटिया का बोलत रहे।

रामजन्मभूमि थाना कै एस.ओ. वीनेष सिंह यादव बताइन कि पोस्टमार्टम मा बालिका चांदनी कै गला घोट के हत्या कीन जाय कै पुष्टि भै बाय। पोस्टमार्टम रिपोर्ट के आधार पै कमरा के सामने रहै वाला रिक्सा चालक देवानंद निवासी ग्राम अषोकपुर नागपुर थाना नवाबगंज जिला गोंडा से सख्ती से पूछताछ कीनगै तौ आपन अपराध कबूल किहिन। पूंछताछ मा कहिन कि सुबह चांदनी हमरे घर कै पर्दा फाड़ दिहे रहिन। गुस्सा मा आयके चांदनी का मारेन पीटेन अउर गला दबाय दिहेन। जेसे चांदनी कै मउत होय गै। चांदनी के अम्मंा आरती के तहरीर पै आरोपी के खिलाफ धारा 302, 201 भादवि के तहत रिपोर्ट दर्ज के आरोपी का जेल भेज दीन गै।