हटाई जात हे दुकाने

10-06-15 Mahoba - Kasba dukan band webमहोबा शहर, रोडवेज बस स्टाप बनवायें खे लाने सरकार ने छह करोड़ रूपइया भेजो हे। जीसे नओ बस स्टाप बनवाओ जा सके। बाहर रोड के किनारे धरी दुकाने हटवाई जात हे जीसे दर्जनन दुकानदारन को परिवार पले खे लाने परेशान हो जेहे।

दुकानदार वहिर बताउत हे कि में सत्तर साल से नगर पालिका की जमीन में घड़ी बनाये की दुकान हे। हर महिना तीन सौ रूपइया को महिना नगर पालिका खा देत हे। रवि बताउत हे कि उन्चास दुकाने हे में लस्सी ओर गुटखा पानी बेंच के परिवार चलाउत हों। विनोद कहत हे कि में समोसा की दुकान धरे हों। अगर हमें दुकान धरे के लाने जघा न मिलहे तो हम दुकान न हटाबी। महोबा ए.आर.एम. एस.एन. शर्मा ने बताओ कि रोडवेज में पानी भर जात हे। एई से नओ बनवाये खे हे। जा भी कहो की दुकान वाले अवैध रूप से कब्जा करें हे ओर आदमियन खा आपन दूकान हटाने परहे। 4 जून खा एस.डी.एम. से कहो हतो कि दुकाने हटवा दई जाये। जित्ती जल्दी दुकान हट जेहे उत्ती जल्दी काम शुरू हो जेहे। महोबा एस.डी.एम. प्रबुद्ध सिंह ने बताओ कि हम कोशिश करत हे कि कहूं जघा मिलहे तो दुकान धरा दई जेहे। काय से दुकान हटवायें के लाने हम भी मजबूर हे।