स्कूल कै काम अधूरा

जिला अम्बेडकर नगर, ब्लाक भीटी, प्राथमिक विद्यालय मेढ़वा। साल 2012-13 मा स्कूल बनै कै बजट पास भै अबहीं तक अधूरा परा बाय। यकै जिम्मेदारी सहायक अध्यापक का सौंपी गै रही। उनकै यहिंसे ट्रांसफर होइ जाए से अधर मा स्कूल कै काम लटका बाय।
स्कूल मा पढ़ै वाले गेदहरै प्रिंस सुभम अउर मानवी कै कहब बाय कि स्कूल मा चाहरदीवारी शौचालय कै व्यवस्था नाय बाय। खुले मा शौच करै जाए मा हमरे सबका बहुत दिक्कत हुआथै।
भीटी कै खण्ड शिक्षाधिकारी बताइन कि निर्माण कार्य कै जिम्मेदारी सहायक अध्यापक शैलेश कुमार का सौंपागै रहा लकिन उनकै ट्रांसफर इलाहाबाद होइगै। 2012-13 मा चाहरदीवारी, रसोईघर, शौचालय खातिर छह लाख 40 हजार पानी के व्यवस्था के ताई पचीस हजार विद्युतीकरण खातिर उन्नीस हजार बजट पास भै रहा। स्कूल कै कमरा रसोईघर तौ बनिगै लकिन बाकी काम अधूरा परा बाय।
निर्माण करावै वाले प्रभारी का डिफाल्टर घोषित कै दीनगै बाय। उनके खिलाफ कार्यवाही के खातिर बीएसए के लगे अप्लीकेशन दियागै बाय।