सौर उर्जा से पानी के सुविधा

ta
सौर उर्जा पानी टंकी

जिला सीतामढ़ी, प्रखण्ड रीगा, पंचायत सिरौली द्वितिय, गांव रामनगरा। उहां कन्या पोखर वार्ड नम्बर नौ में डेढ़ महीना पहिले सौर उर्जा पानी टंकी बनलई। ओई के कनेक्शन से चार गो चापाकल चलई छई। एई पानी से हजारों लोग खुश छथिन।
उहां के अमर बैठा, रामबाबू महतो, गंगिया देवी, इंद्रजीत कहलथिन कि एई चापाकल के पानी शुद्ध, पतला अउर ठंडा रहई छई। सुर्य के रोशनी से मोटर चलई छई, तब टंकी में पानी भरई छई। जब धुप न निकलई छई त मोटर न चालू होई छई।
मुखिया विश्वनाथ भगत कहलथिन कि हमरा आदेश आयल त हम इहां जगह देख के हलवईली। एकर बजट के कोई अंत न हई। खर्चा के उपर एग्रीमेन्ट बनई छई।
प्रमुख किरण सिन्हा के चाचा राजकिशोर सिह इ सौर उर्जा पानी टंकी महादलित विकास मिशन योजना के तहत लगायल गेलई। सरकार के आदेश हई कि जहां पर अनुसुचित जाति अउर महादलित टोला हई। उहां के लोग के स्वच्छ पानी के उपयोग करे ला पी.एच.ई.डी. विभाग से देल गेलई। पूरे प्रखण्ड में अभि एक जगह ही बनलइय। जेकर फायदा लोग उठा रहल छथिन।