सौर उर्जा के खराब मरकरी

chitrakoot  (3)जिला चित्रकूट, ब्लाक रामनगर, कस्बा रामनगर, बस अड्डा दलित बस्ती। हिंया छह महीना से सौर ऊर्जा के मरकरी खराब हवै। यहै से बिजली जाये के बाद मड़ई अंधियारे मा रहैं का मजबूर हवैं। मड़ई सौर ऊर्जा के मरकरी बनवावैं खातिर प्रधान कामता प्रसाद से 4 फरवरी का मांग करिन, पै प्रधान ध्यान नहीं दिहिस आय।
बस्ती के राजेश कुमार, रानी अउर मोहतिया का कहब हवै कि बिजली रात दिन आंख मिचैली करत हवै। बस्ती मा सौर ऊर्जा के मरकरी देखैं खातिर लाग हवै। वहौ खराब परी हवै। अगर सौर ऊर्जा के मरकरी प्रधान सुधरा दे तौ इं सबै समस्यन से न जूझै का परै। सौर ऊर्जा के मरकरी बनवावैं खातिर प्रधान से कहिके हार गयेन, पै वा ध्यान नहीं दिहिस। अबै हाल ही मा 4 फरवरी का कहे हन।
प्रधान कामता प्रसाद का कहब हवै कि सौर ऊर्जा के मरकरी खराब हवै। यहिके बारे मा मोहिका जानकारी नहीं रहै। अब पता होइगा हवै तौ सौर ऊर्जा के मरकरी अंतिम फरवरी तक बनवा देहूं। सात मरकरी अउर पास होइगें हवै तौ उनका भी जल्दी लगवा दीन जई।