सोलर लालटेन करिस उजियार

taja soler-2 copyजिला चित्रकूट, ब्लाक कर्वी, तहसील सभागार मा 16 मई का मड़इन का सोलर लाइट बांटी गें हवैं। यहिसे जेहिका सोलर लालटेन मिली वा खुश अउर जउन मड़इन का नहीं मिली। वा आसरा लगाये शाम के खाली हाथ घर का लउट गें हवैं।
ब्लाक कर्वी, गांव बिहारा के रहै वाले रामकृपाल अउर तिनिया काहिन कि घरन मा बिजली नहीं लाग हवै यहिसे डिब्बी जला के गुजारा करत रहेन। अंधियार रहै के कारन रात के कीरा पतीरा नहीं देखाई देत रहै। अब सोलर लालटेन सरकार कइती से मिलगे हवै तौ अब रात के उजियारे मा रहै का मिली।
खोह गांव के भोड़ी कहिस कि या गांव कर्वी से लगभग पांच किलोमीटर के दूरी मा पहाड़ के किनारे बसा हवै। मैं दलित जाति के आंहू। मोरे लगे येत्ता रूपिया नहीं आय कि बिजली का कनेक्शन करवा सकौं, पै मोहिका सोलर लाइट नहीं मिली हवै। यहिसे दस बजे सुबेरे कर्वी गई अउर शाम के छह बजे खाली हाथ लउटैं का परा।
कर्वी ए. डी. ओ. रमेश चन्द्र गुप्ता कहिन कि सोलर लालटेन बांटै का उद्देश्य हवै कि गरीब अउर बेसहरा मड़इन का भी रोशनी मिल सकै। कर्वी ब्लाक मा कुल पांच सौ बावन सोलर लालटेन बांटै का लक्ष्य हवै। 16 मई का चार सौ पन्द्रह सोलर लालटेन बांटी गें हवैं। बाकी सोलर लालटेन आवै के बाद बांटी जइहैं। जउन मड़इन का नहीं मिली आय उनका भी दीन जइहै।

रिपोर्टर – तबस्सुम