सोनू देवी बनी पहिली दरकी ब्लाक प्रमुख

जिला चित्रकूट, ब्लाक मानिकपुर,कस्बा मानिकपुर। हिंया के ब्लाक प्रमुख सोनू देवी 18 मार्च का शपथ ग्रहण कइ लिहिस हवै। वा आदिवासी परिवार से हवै। वहिके उम्र लगभग पच्चीस साल हवै।
ब्लाक प्रमुख सोनू देवी का कहब हवै कि मैं पहिली दरकी ब्लाक प्रमुख का चुनाव जीते हौं। अब मैं चुनाव जीत गें हौं तौ अपने ब्लाक मा विकास का हर काम करवइहौं। काहे से कि मड़ई मोहिका जीताइन हवैं। यहिसे मैं जनता के उम्मीद का बनाये रखिहौं। मानिकपुर ब्लाक हरतान से बहुतै पिछड़ा इलाका हवै। हिंया गरीबी के कारन जनता भुखमरी के कगार मा हवै। आदिवासी औरतैं जंगल से लकड़ी काट के अपने परिवार वालेन का पेट भरैं का मजबूर हवैं। यहिसे मोर पूर कोशिश बनी रही कि अपने इलाका के मड़इन का कउनौ भी समस्या से न जूझैं का परै।
मड़इन का ज्यादा से ज्यादा मनरेगा का काम अउर हर सरकारी योजना का लाभ देवावैं मा पीछे न हटिहौं।