सुलभ शौचालय पै चाय पानी कै दुकान

जिला अम्बेडकर नगर, ब्लाक कटेहरी, जनता इन्टर कालेज। यहि स्कूल के बगल बना सार्वजनिक सुलभ षौचालय वैकल्पिक उर्जा विकास संस्थान नेड़ा योजना के तहत बना रहा। अब वहपै चाय पानी कै दुकान चलत बाय।
आवै जाए वाले राहगीर विवेक, वृजेष, जर्नादन बताइन कि तीन महीना से सुलभ षौचालय पै कब्जा होइगै। चाय पानी कै दुकान चलत बाय। रास्ता मा बाथरुम लाग जाए से यहर वहर जगह ढ़ूढै का पराथै। लाखन रुपया के लागत से बारह सीट कै षौचालय बना बाय। षौचालय के साफ-सफाई के ताई एक मनई का रखा गै रहा। लगभग पन्द्रह साल कै बना शौचालय मौजूदा समय पै चाय पानी कै दुकान बना बाय।
बी.ड़ी.ओ. प्रदीप कुमार श्रीवास्तव बताइन कि शौचालय पै चाय पानी कै दुकान खुलै के बारे मा जानकारी नाय बाय। मामला कै जानकारी करायके उचित कार्यवाही कै जाये। रामसूरत दीक्षित यू.पी. नेडा अम्बेडकर नगर बताइन कि सुलभ शौचालय हमरे योजना के तहत बना बाय। जल्द ही कब्जा हटवाय जाये।