सार्वजनिक सुलभ शौचालय पै कब्जा

tazaजिला अम्बेडकर नगर, ब्लाक कटेहरी, ग्रामसभा प्रतापपुर चर्मुखा। रामदेव इन्टर कालेज अउर कटेहरी रामलीला मैदान दुइनौ के बीच मा बना सार्वजनिक शौचालय मा चाय पानी कै दुकान एक महीना से खुल गै बाय। आवै जाए वाले मनइन का बाथरुम जाए खातिर बहुत दिक्कत हुआथै।
ग्रीस, षिवम बताइन कि सार्वजनिक सुलभ षौचालय वैकल्पिक उर्जा विकास संस्थान नेड़ा परियोजना के अन्तर्गत पन्द्रह साल पहले लाखों रुपया खर्च कइके बना बाय। सामने एक कमरा बाय। आवै जाए वाले मनई अउर बाजारवासी का बहुत सुबिधा रही। षौचालय के साफ-सफाई के ताई एक मनई रख गा रहा। लकिन अब अधिकारी अउर जनप्रतिनिधि षासन के मंषा का चूर करै मा जुट गै हइन। शौचालय के कमरा वाले छत से मड़ई धरे बाटे अउर वहमा चाय पानी कै दुकान चलत बाय।
बी.डी.ओ. प्रदीप कुमार श्रीवास्तव बताइन कि सुलभ षौचालय मा दुकान खुलै कै जानकारी हमका नाय बाय। मामला कै जांच कराय के उचित कार्यवाही कै जाये।