सामूहिक बलात्कार कै दर्ज भै केस

जिला अम्बेडकर नगर थाना क्षेत्र बसखारी। हिंआ एक पन्द्रह साल के लड़की कै अपहरण कइके सामूहिक बलात्कार कै आरोप तीन नामजद युवक पै केस दर्ज भै बाय।
परिवाले वाले मनइन कै कहब बाय कि सुल्तानपुर जिला के करनाईपुर गांव कै उदयभान सिंह कै बेटवा विकास सिंह अपने ननिहाल मा रहाथिन। वनहीं के घरे लड़की कै महतारी काम काज करै जात रहिन। लगभग एक महीना पहिले उनकै लड़की भी साथे काम करै गै रही। आरोप बाय कि लड़की का बहलाय फुसलाय के भगाय लै गइन। इनकै दुई अउर मित्र भी शामिल रहिन। जौनपुर जिला मा लै ताएके एक घर मा बंधक बनाय के लगभग पन्द्रह दिन से ज्यादा बलात्कार करत रहिन। कउनौ तरह से लड़की मौका पाइके भागि के अपने घरे आय अपने परिवार वाले से बताइस। घर वाले लड़की का लइके बसखारी थाना मा गइन। लड़की के बयान पै तीन नामजद के खिलाफ केस दर्ज कराइन।
बसखारी थाना कै एस.ओ. मनोज कुमार पंत बताइन कि तहरीर के आधर पै सुल्तानपुर जिला करनाईपुर कै रहै वाला विकास सिंह जैतपुर थाना क्षेत्र के पर्वतपुर कै रहै वाला राजकुमार उर्फ मुन्ना, राहुल उर्फ बजनी बेटवा रामपियारे के खिलाफ सामूहिक बलात्कार पास्कोएक्ट, बहलाय फुसलाय के भगाय लै जाए कै केस दर्ज कीन गै बाय। विवेचना चलत बाय।