सरकारी नाली टूटी, नाय पहुंचत खेत तक पानी

सिंचाई न होय पावै से नाराज किसान
सिंचाई न होय पावै से नाराज किसान

जिला फैजाबाद, ब्लाक बीकापुर, ग्रामसभा बंसतपुर, गांव  सेरपुर पारा। हिंआ पचास साल पहिले बना सरकारी ट्यूबवेल अब शोपीस बनिके रहिगै बाय। नाली भी जगह-जगह टूटिगै बाय। कइयौ जगह नाली नाय बाय। कुछ महीना पहिले ट्यूबवेल का रीबोर भी कराइगै। लकिन नाली न हुवय से खेत तक पानी नाय पहुंचत बाय।
गांव कै ग्राम पंचायत सदस्य रामनायक वर्मा भुल्लन यादव, अनिल रामसूरत दशरथ वर्मा बताइन कि हमरे सब चन्दा लगाय के टूट नाली कै मरम्मत कराये रहेन। लकिन फिर से टूटि गै। सिंचाई न होय पावै के कारण प्रदर्शन कइके विरोध भी कीनगै। लेकिन विभाग वाले सुधि नाय लिहिन। ग्रामप्रधान सतीश कुमार मिश्रा गांव के हर एक समस्या का लइके विधायक आनन्द सेन यादव से ज्ञापन के माध्यम से मांग करिन।